Arkadag şäheriniň MMA we söweş sungatynyň beýleki görnüşleri boýunça açyk çempionaty boldy
Arkadag şäheriniň köpugurly sport toplumy garyşyk söweş sungaty MMA-nyň «Draka» wersiýasy, şeýle hem ähliumumy söweş, el-aýak söweşi, hindileriň toparlaýyn oýunlary kabaddi we hapkido boýunça şäheriň ilkinji açyk çempionatyny kabul etdi- diýip, «Neýtralny Turkmenistan» gazeti ýazýar.
Ýaryşlary Arkadag we Aşgabat şäherleriniň bedenterbiýe we sport boýunça baş müdirlikleriniň ýardam etmeginde Türkmenistanyň «hanmudo» söweş sungaty Federasiýasy gurnady. Dürli ýaş toparlaryndan 200-den gowrak söweşijiler öz ussatlyklaryny görkezdiler.
Guramaçylaryň aýtmagyna görä, Arkadag şäheriniň söweş sungatynyň dürli görnüşleri boýnça açyk çempionaty ätiýaçlygyň özboluşly gözden geçirilişi boldy. Ýaryşlar gelejekde iri halkara we sebitleýin ýaryşlarda ýurduň abraýyny gorajak täze zehinleri tapmaga kömek etdi.
MMA «Draka» ýaryşlaryň jemleri boýunça el-aýak we ähliumumy söweş boýunça umumytopar hasabynda Mary welaýatyndan gelen türgenler ýeňiş gazandylar. Kabaddi we hapkido boýunça ýaryşlarda Aşgabat şäheriniň ýygyndy topary çempion boldy.
Mynasyp baýraklardan başga-da, çempionatyň ähli baýrak alyjylary we ýeňijileri dürli agram derejelerinde hormat hatlaryny aldylar.
ORIENT habarlar
