EI öwretmek üçin dünýäde iň güýçli superkompýuter görkezildi
Emeli intellekti öwretmek üçin Condor Galaxy 1 (CG-1) atly dünýäde iň güýçli superkompýuter görkezildi.
Ony Cerebras Systems kompaniýasy we BAE-den G4 tehnologiki holdingi işläp düzdi.
Kaliforniýa ştatynyň Santa-Klara şäherinde ýerleşen CG-1 kompýuteri Cerebras CS-2-niň 64 ulgamyny emeli intellektli ýeke-täk superkompýutere birleşdirýär. Kompýuteriň öndürijiligi 4 ekzaflopsa (kompýuteriň öndürijiliginiň ölçeg birligi) deňdir. Ol ýadrolaryň 54 milliony bilen enjamlaşdyrylandyr.
Bu innowasion toryň emeli intellek ulgamynda dünýä derejesinde täzeçillik çözgütlerine getirjekdigine garaşylýar. G42 kompaniýasynyň baş direktory Talala Alkaissiniň aýtmagyna görä, Condor Galaxy jemgyýetiň saglygy goraýyş, energetika, howanyň üýtgemegine garşy göreşmek babatyndaky iň wajyp meselelerini çözmek üçin ulanylar. Ol şeýle hem EI öwretmek möhledini ep-esli azaldýar, şunda paýlanan hasaplaýyş meselesini aradan aýyrýar.
Cerebras we G42 CG-1-i bulutlaýyn hyzmat hökmünde hödürleýärler, şol sebäpli täze äpediň kuwwatlygyndan ähli isleg bildirýänler şertleýin peýdalanyp bilerler.
ORIENT habarlar
