Biržada karbamid we ýeňil senagatyň önümleri satyldy
Türkmenistanyň Döwlet haryt-çig mal biržasynda 21-nji iýulda geçirilen söwdalarda umumy bahasy 4,3 million dollar bolan söwda geleşikleriň 11-si baglaşyldy. Birleşen Arap Emirliklerinden gelen işewürler “Türkmenhimiýa” döwlet konserniniň kärhanalarynda öndürilen 105 müň tonna karbamidi 2,7 million amerikan dollaryna satyn aldy.
Hytaýdan, BAE-den we Türkiýeden gelen iewürler ýurdumyzyň hususy önüm öndürijilerinden jemi möçberi 1,5 million inedördül metr bolan matalaryň dürli görnüşlerini 537,1 müň dollara satyn aldy. Hytaýdan gelen işewür ýurdumyzyň hususy kärhanasyndan düşekçe ýapynjalaryň 67,4 müň sanysyny 577,2 müň dollara satyn almaga geleşik baglaşdy.
Türkiýeden gelen işewürler türkmen hususy kärhanasyndan nah ýüplügiň 1,5 kilogramyny 3 million dollara satyn aldy. BAE-den gelen işewürleriň ýene bir topary ýurdumyzyň hususy telekeçilerinden arassalanan nah ýüplügiň 107,5 müň kilogramyny 175,8 müň dollara satyn aldy.
ORIENT news
