Arkadag şäherindäki hünär mekdepleriniň we akademiýalaryň ähli talyplary talyp haklaryny alarlar
Aba Annaýew adyndaky Halkara atçylyk akademiýasy, Berdimuhammet Annaýew adyndaky mugallymçylyk mekdebi, Sahy Jepbarow adyndaky ýöriteleşdirilen sungat mekdebi, Saçly Dursunowa adyndaky hünär mekdebi türkmen abituriýentleri üçin tölegsiz okamak mümkinçiligini bererler – diýip, «Arkadag» gazeti habar berýär.
2023-2024-nji okuw ýyllarynda Aba Annaýew adyndaky Halkara atçylyk akademiýasy okuw doly tölegsiz bolan Türkmenistandaky ýeke-täk ýokary okuw jaýy bolar. Häzirki wagtda türkmen ýokary okuw jaýlarynyň aglabasy hünärmenleri hem tölegli, hem büjet esasynda taýýarlaýarlar, 2021-nji ýyldan başlap bolsa ýurduň 7 ýokary okuw jaýy doly hojalyk hasaplaşygyna geçdi.
Getirilen maglumatlara laýyklykda, atçylyk ýokary okuw jaýy hem spesialitet maksatnamasy boýunça okamaga dalaş edýänlere, hem gelejekdäki bakalawrlara büjetden ýerleri berer. Ýurduň ähli welaýatlaryndan we paýtagtdan raýatlar akademiýanyň talyplary bolup bilerler. Doly büjetden maliýeleşdirilýän ýerler «akylly» şäheriň hünär mekdepleriniň talyplary üçin hem döredilendir.
Türkmen ýokary okuw jaýlarynyň talyp haklarynyň ortaça möçberi 2023-nji ýyldaky ýagdaýa görä 1,2 müň manada deňdir.
Ozal täze okuw ýylyndan başlap Arkadag şäherinde taýýarlygyň 30 täze hünäri we ugry boýunça taýýarlyga başlanjakdygy habar berlipdi.
ORIENT habarlar
