Adam hukuklary boýunça türkmen-britan hyzmatdaşlyk meseleleri ara alnyp maslahatlaşyldy

Iýul 21, 2023 | 15:12 |9968

Türkmenistanyň adam hukuklary boýunça ygtyýarly wekili (adalatçy) Ýazdursun Gurbannazarowa Beýik Britaniýanyň we Demirgazyk Irlandiýanyň Birleşen Patyşalygynyň Türkmenstandaky ilçisi Stiwen Konlon bilen duşuşdy. Bu barada ilçihana özüniň “Instagram” hasabynda mälim edýär.

Türkmenistanyň Adalatçysynyň diwanynyň ýolbaşçysy adam hukuklary durmuşa geçirmek boýunça ýurdumyzda alnyp barylýan işler bilen britan dipolmatyny tanyşdyrdy. Söhbetdeşlikde gender deňligini üpjün etmek meselelerine aýratyn üns çekildi. Öz gezeginde, britan ilçisi degişli ugurda Beýik Britaniýanyň ýeten üstünlikleri bilen türkmen tarapyny tanyşdyryp, özara hyzmatdaşlygy ösdürmäge taýýardygyny mälim etdi.

ORIENT news