GDA-nyň oýunlaryna 150-den gowrak lukmançylyk işgärleri hyzmat eder
Iýul 21, 2023 | 10:41 |7609
Garaşsyz Döwletleriň Arkalaşygyna agza ýurtlaryň II oýunlaryna 150-den gowrak lukmançylyk işgärleri hyzmat eder. Bu barada Belarus Respublikasynyň Olimpiýa komiteti habar berýär.
Lukmançylyk işgärleriň 46 sany göçme topary türgenleriň dopinge garşy gözegçilik barlaglaryny geçirip, oýunlaryň dowamynda lukmançylyk kömegini bererler.
II GDA oýunlary şu ýylyň 4 – 14-nji awgusty aralygynda Belarus Respublikasynda geçiriler. Oňa GDA döwletlerinden, şol sanda Arkalaşyga agza däl ýurtlardan 4 müňden gowrak türgeniň gatnaşmagyna garaşylýar.
ORIENT news
