Türkmenistanyň meýletin milli syny BMG-niň resmi web-saýtynda çap edildi
Türkmenistanyň Durnukly ösüş maksatlaryna ýetmekdäki ikinji meýletin milli syny Birleşen Milletler Guramasynyň resmi web-saýtynda halkara jemgyýetçiligi bilen paýlaşyldy. 19-njy iýulda BMG-niň Nýu-Ýork şäherindäki baş ştab-kwartirasynda Türkmenistanyň maliýe ykdysadyýet ministri S.Joraýewiň, daşary işler ministriniň orunbasary M.Bäşimowanyň, Statistika baradaky döwlet komitetiniň başlygynyň orunbasary G.Annaniýazowanyň, Durnukly ösüş maksatlarynyň ýaş ilçileri E.Açilowanyň we J.Gurbanmyradowyň gatnaşmaklarynda meýletin milli synyň tanyşdyryş çäresi hem geçirildi.
Meýletin milli syn bilen şu salgy arkaly giňişleýin tanyşmak mümkin: https://hlpf.un.org/countries/turkmenistan/voluntary-national-reviews-2023.
Onda Türkmenistanyň Durnukly ösüş maksatlaryna ýetmekdäki esasy ugurlary we goşmaça 6 ugry baradaky maglumatlary özünde jemleýär. Resminama ýurdumyzyň ilatyň durmuş derejesini gowulandyrmaga gönükdirilen işlerini giňişleýin beýan edýär. Döwlet býujetiniň 75 göterimine golaýynyň ilatyň durmuş ugruna gönükdirilmegi ähli işleriň başynda adamyň ýaşaýyş we durmuş derejesini ýokarlandyrmaga gönükdirilýändigini aňladýar.
Şeýle hem, meýletin milli syn Türkmenistanyň ekologiýa taýdan arassa “ýaşyl” tehnologiýalary ornaşdyrmak, howanyň üýtgemegine garşy göreşmek boýunça alyp barýan işleriniň beýanyny özünde jemleýär.
