Gazagystan Orta geçelge arkaly ýük gatnawyny artdyrmagy meýilleşdirýär
Iýul 20, 2023 | 12:44 |6027
Gazagystan Hazarüsti halkara ulag ugry (Orta geçelge) arkaly ýük gatnawyny artdyrmagy meýilleşdirýär. Bu barada Gazagystanyň prezidenti Kasym-Žomart Tokaýew Jiddada «Merkezi Aziýa + Aýlagyň arap döwletleriniň hyzmatdaşlygynyň Geňeşi» atly birinji Sammitde çykyş etmek bilen beýan etdi.
Şeýlelikde, 2030-njy ýyla çenli ýurt ýük gatnawyny her ýylda 500 müň konteýnere ýetirmegi meýilleşdirýär.
Tokaýewiň aýtmagyna görä, Gazagystan Hytaýyň, Gazagystanyň, Hazar deňziniň akwatoriýasynyň, Azerbaýjanyň, Gruziýanyň we ondan aňryk Türkiýäniň we Ýewropa ýurtlarynyň üstünden geçýän Hazarüsti halkara ulag ugrunyň mümkinçiligini artdyrmaga aýratyn üns berýär.
ORIENT habarlar
