Harby we hukuk goraýjy edaralaryň wekilleri adam hukuklary we gender deňligi boýunça okuwlara gatnaşdylar
Iýul 19, 2023 | 15:11 |6336
17-18-nji iýulda Türkmenistanyň harby we hukuk goraýjy edaralarynyň wekilleri adam hukuklary we gender deňligi boýunça okuw seminaryna gatnaşdylar. Ol Ýewropa Bileleşiginiň maliýeleşdirmeginde Merkezi Aziýada serhetleri dolandyrmak maksatnamasynyň (BOMCA 10) çäklerinde guraldy.
Litwa döwletinden gelen bilermenler adam hukuklary we migrasiýa hadysasynda gender sütemlerini ýüze çykarmak boýunça halkara hukuk namalary bilen okuwa gatnaşyjylary tanyşdyrdylar. Şu jähetden, jemgyýetçilik guramalarynyň ähmiýeti bellenildi.
Okuwa gatnaşyjylar öwrenen bilimlerini tejribe ýumuşlary bilen berkitdiler.
ORIENT news
