Pariž-2024 sportyň durmuş-ykdysady täsirini güýçlendirmäge çalyşýar
2024-nji ýylda Parižde boljak Tomusky Olimpiýa oýunlaryna taýýarlygyň doly dowam edişi ýaly, gurnaýjylar ýaryşlaryň ykdysady ösüşe, deňsizligiň azaldylmagyna we iş üpjünçiligine ýardam etmek mümkinçiligini peýdalanmak üçin ähli tagallalary edýärler.
Iş üpjünçiligi Pariž-2024 Oýunlarynyň ileri tutýan wezipesidir. Özüniň işe ýerleşdirmek strategiýasyny işläp düzmek üçin ýaryşlaryň guramaçylyk komiteti kärdeşler arkalaşyklaryny, işe alýanlary, döwlete degişli edaralaryň wekillerini, syýahatçylyk babatyndaky hünärmenleri, jemgyýetçilik iýmitiniň wekillerini bu işe çekdi.
2018-nji ýylda Olimpiýa oýunlarynyň taryhynda ilkinji gezek kärdeşler arkalaşyklary we iş berijiler bilen Durmuşy hartiýa ylalaşylypdy. Onuň maksady Oýunlary kiçi we orta kärhanalar, jemgyýetiň işsiz gowşak gatlaklary üçin mümkinçilikleriň başlangyjy hökmünde ulanmakdyr.
Hartiýanyň ýerine ýetirilmeginiň çäklerinde ýörite web-maksatnama (EMPLOIS 2024) döredildi, onda Oýunlar bilen baglanyşykly bar bolan ähli boş iş orunlary sanalandyr. Onlaýn-resurs şeýle hem gerekli bolan okuwa elýeterligi üpjün edýär.
«2024-nji ýylyň Olimpiýa oýunlaryny gurnaýjylaryň sportyň hemmeler üçin durmuşy-ykdysady mümkinçilikleri döretmek güýjüni peýdalanmak boýunça göz ýetirişi Oýunlaryň başlanmagyna bir ýyldan hem köp wagt galanda öz miwesini berip başlady» — diýip, durnukly ösüş boýunça Halkara olimpiýa komitetiniň direktory Mari Salua aýtdy.
Döwletiň goldaw bermeginde durmuşy innowasiýalar üçin Impact 2024 haýyr-sahawat gaznasy döredildi. Gazna saglygy, abadançylygy, inklýuziwligi berkitmek we daşky gurşawyň ýagdaýyny gowulandyrmak üçin sporty peýdalanýan taslamalary goldaýar.
2020-nji ýyldan başlap 1000-den gowrak taslama 38,7 mln ýewro möçberinde maliýeleşdirme aldylar.
ORIENT habarlar
