Azerbaýjan halal biznesiň we syýahatçylygyň Forumyny geçirer
Azerbaýjan 2024-nji ýylda halal biznesiň we syýahatçylygyň Forumyny kabul eder. Degişli özara düşünişmek hakyndaky ähtnama Bakuda Yslam söwda-senagat we oba hojalyk palatasynyň (ICCIA) direktorlar Geňeşiniň 35-nji mejlisinde gol çekildi – diýip, Trend habar berýär.
Resminamalara Azerbaýjanyň kiçi we orta biznesi ösdürmek boýunça Agentliginiň (KOBIA) müdiriýetiniň baştutany Orhan Mamedow, Azerbaýjanyň syýahatçylyk boýunça Döwlet agentliginiň başlygy Fuad Nagiýew, yslam biznesiniň Halkara birleşmesiniň prezidenti Marat Kabaýew, ICCIA-nyň baş sekretary Ýusef Halawi we Caspian Event Organisers jogapkärçiligi çäklendirilen Jemgyýetiň ýerine ýetiriji direktory Bahruz Idaýatzade gol çekdiler.
Yslam söwda-senagat we oba hojalyk palatasy yslam hyzmatdaşlyk Guramasynyň bölümçesidir we yslam agza-ýurtlarynda hususy pudagyň ýeke-täk wekilidir. Onuň işjeňligi söwda, täjirçilik, maglumat tehnologiýalary, ätiýaçlandyryş/gaýtadan ätiýaçlandyryş, ýük daşamalary we ş.m. ulgamlarda hyzmatdaşlygy pugtalandyrmaga gönükdirilendir.
ORIENT habarlar
