Türkmenistan Bişkekdäki gysgametražly filmleriň kinofestiwalyna gatnaşar
GDA, Baltika ýurtlarynyň we Gruziýanyň gysga filmleriniň halkara kinofestiwaly 18-nji iýulda Bişkekde başlar. Kinoforum iki bäsdeşlik maksatnamasyny – halkara we milli, hersinde oýun, dokumental, animasiýa we eksperimental kino žanrlary bolan maksatnamalary öz içine alýar diýip, kabar habar berýär.
Halkara maksatnama, her ýurtdan– Gyrgyzystandan, Özbegistandan, Täjigistandan, Türkmenistandan, Gazagystandan, Ermenistandan, Azerbaýjandan, Gruziýadan, Russiýadan, Estoniýadan, Ukrainadan, Latwiýadan, Litwadan, Belarusiýadan, Moldowadan 15 film gatnaşýar. Milli maksatnama üçin 15 gyrgyz gysga metražly oýun kinolentasy saýlanýar.
Bu ýyl kinoforum Çingiz Aýtmatowyň 95 ýyllygyna bagyşlanýar.Gyrgyz festiwalynyň emin agzalaryna gatnaşyjy ýurtlaryň kinoçylaryndan 600-den gowrak ýüztutma gelip gowuşdy. Filmler 18- 22-nji iýul aralygynda «Manas» kinoteatrynda görkeziler.
Kinofestiwal 2010-njy ýylda jemgyýetçilik işgäri, režissýor we prodýuser Sadyk Şer-Niýaz tarapyndan esaslandyryldy. Döredilen ýyllarynda bu festiwal täze döredijilik üstünliklerini görkezmek, pikir alyşmak we tejribe alyşmak, Arkalaşygyň we Baltika ýurtlaryndan we Gruziýadan kinoçylaryň mümkinçiliklerini we bilelikdäki taslamalaryny ara alyp maslahatlaşmak üçin möhüm platforma öwrüldi.
Çäre, GDA agza ýurtlaryň ynsanperwer hyzmatdaşlygy döwletara gaznasynyň, Gyrgyzystanyň Medeniýet, maglumat, sport we ýaşlar syýasaty ministrliginiň kinematografiýa bölüminiň, «Medeni hyzmatdaşlyk gaznasy» we «Aýtyş» gaznasy» gyrgyz jemgyýetçilik guramalarynyň goldamagy bilen geçirilýär.
ORIENT news
