Türkmenistanda “elektron salgyt” ulgamy doly işe giriziler
Prezident Serdar Berdimuhamedow halkara tejribeden ugur alyp, býujet-salgyt ulgamyny döwrebaplaşdyrmak, sanly tehnologiýalary ulanmak arkaly ýurdumyzda “elektron salgyt” ulgamyny doly işe girizmegi çaltlandyrmagy degişli ýolbaşçylara tabşyrdy. Bu barada Ministrler Kabinetiniň 14-nji iýulda geçirilen giňişleýin mejlisine salgylanyp Türkmenistanyň Döwlet habarlar agentligi mälim edýär.
“Elektron salgyt” ulgamynyň işlenilip taýýarlanylandygy 2020-nji ýylyň awgustynda mälim edilipdi. Ol salgyt töleýjilere degişli salgyt deklarasiýalaryny elektron görnüşde gowşurmaga, bu babatdaky hasabatlylygy kämilleşdirmäge ýardam berýär. Onuň kömegi bilen salgyt töleýjiler degişli tölegleri onlaýn görnüşde töläp, bu boýunça maglumatlary oturan ýerlerinden alyp bilerler.
Şeýle hem, bu ulgam arkaly salgyt töleýjiler bu boýunça işleri onlaýn görnüşde, salgyt edarasyna barmazdan amala aşyryp bilerler.
ORIENT news
