Türkmenistanlylar BSGG-nyň Ýewropa sebitleýin býurosynyň maksatnamasyna gatnaşyp bilerler
Türkmen ýaşlary BSGG-nyň Ýewropa sebitleýin býurosynyň (ÝSB) Youth4Health maksatnamasyna gatnaşmaga çagyrylýar.
Bu BSGG-nyň ÝSB-nyň direktorynyň ýörite başlangyjy bolup, ol ýaş nesliň wekilleriniň guramanyň işjeňligine gatnaşmagyny giňeltmeklige gönükdirilendir. Maksatnama saglygyň we abadançylygyň esasy meselelerini çözmek üçin Ýewropadan bolan pikirdeşler bilen bilelikde hereket etmäge mümkinçilik berýär.
Seçilip alnan dalaşgärler BSGG-nyň ÝSB-nyň howandarlygynda geçirilýän çärelere gatnaşmaga mümkinçilik alarlar.
Maksatnama gatnaşmak we saglyk üçin ýaşlaryň hataryny doldurmak üçin (Youth4Health) ýüz tutmanyň degişli formasyny doldurmaly we ähli gerekli resminamalary euroyouth@who.int salga ugratmaly.
Hemmeler üçin inklýuziw we durnukly gelejegi gurmak üçin ýaşlaryň saglygy goraýyş babatynda kararlaryň kabul edilmegine gatnaşmagy aýgytlaýjy ähmiýete eýedir.
ORIENT habarlar
