Türkmenistanyň dört welaýatyna täze ýolbaşçy bellendi
Türkmenistanyň bäş welaýatyndan dördüsiniň ýolbaşçylary, has takygy Ahal, Balkan, Daşoguz we Mary welaýatlarynyň häkimleri çalşyldy.
Welaýat dolandyryş ulgamynda täze ýolbaşçylary bellemek hakynda kararlary Prezident Serdar Berdimuhamedow anna güni giňişleýin hökümet mejlisinde yglan etdi.
Hususan-da, döwlet baştutany Ýazmuhammet Gurbanowy, işde goýberen düýpli kemçilikleri üçin, Ahal welaýatynyň häkimi wezipesinden boşatdy. Bu wezipä Röwşen Hojagulyýew bellenip, ol Ahal welaýatynyň Ak bugdaý etrabynyň häkimi wezipesinden boşadyldy.
Balkan welaýatynyň häkimi wezipesine Hojamyrat Aşyrmyradow bellenip, ol Ahal welaýatynyň häkiminiň orunbasary wezipesinden boşadyldy.
Nazarmyrat Nazarmyradow, başga işe geçmegi sebäpli, Daşoguz welaýatynyň häkimi wezipesinden boşadyldy. Bu wezipä Soltanmyrat Soltanmyradow bellenip, ol Ahal welaýatynyň Bäherden etrabynyň häkimi wezipesinden boşadyldy.
Döwranberdi Annaberdiýew, işde goýberen düýpli kemçilikleri üçin, Mary welaýatynyň häkimi wezipesinden boşadylyp, bu wezipä Begençmyrat Orazow bellendi.
ORIENT news
