Türkmenistanyň Prezidenti Energetika ministrini çalyşdy

Iýul 14, 2023 | 22:41 |14514

Prezident Serdar Berdimuhamedow ýarymýyllygyň netijeleri boýunça anna güni geçirilen Ministrler Kabinetiniň giňişleýin mejlisinde Hajymuhammet Rejepmyradowy, işde goýberen kemçilikleri üçin, Türkmenistanyň energetika ministri wezipesinden boşatdy.

Döwlet Baştutany Energetika ministri wezipesine Annageldi Saparowy belledi we ony bu ministrligiň ýolbaşçysynyň orunbasary wezipesinden boşatdy. Bu barada Türkmenistanyň Döwlet teleradio ýaýlymlarynyň habarlar gepleşiginiň agşamky sanynda habar berildi.

Rejepmyradow 2021-nji ýylyň awgustyndan, iki ýyl töweregi ministr bolup işledi.

ORIENT news