Paýtagtymyzyň "Ertekiler dünýäsi" seýilgähinde Saglyk festiwaly geçiriler
Aşgabatlylaryň arasynda paýtagtyň merkezinde ýerleşýän bu şäher seýilgähi "Disneýlend" ady bilen has meşhur. Çagalar saglyk festiwaly 18-nji iýulda “Ertekiler dünýäsi” dynç alyş zolagynda geçiriler, bu ýerde ir säherde ýaş türgenler, ýagny hokkeýçiler, gimnastikaçylar, welosiped sürüjiler, futbolçylar we basketbolçylar ýygnanar.
Baýramçylyk çäreleri irden sagat 7:00-dan 10:00-a çenli dowam eder. Ýurdumyzyň sport federasiýalarynyň we Aşgabatdaky klublaryň wekillerinden ybarat 6 toparyň hersinde jemi 10 oýunçy - 10 ýaşdan 14 ýaş aralygyndaky oglanlar we gyzlar bolar.
Türgenler çärä gatnaşmaga gelen çagalar we festiwalyň myhmanlary bilen bilelikde gyzykly toparlaýyn oýunlary, tizlik we düşbülik boýunça ýaryşlary, şeýle hem çagalar üçin yoga maşklaryny, welosipedde, katamaranlarda ýaryşlary we başga-da köp gyzykly çäreleri geçirerler.
Çäre barada has giňişleýin maglumat üçin telefon: 60 88 12; festhealth@gmail.com.
ORIENT news
