Ýylyň başyndan bäri Türkmenistan daşary ýurda 3,3 müň tonnadan gowrak buýan köküni eksport etdi
Türkmenistanyň saglygy goraýyş we derman senagaty Ministrliginiň «Buýan» agrosenagat toplumy ýylyň başyndan bäri daşary ýurda buýan köküniň 3,3 müň tonnadan gowragyny we buýan ekstraktynyň 613 tonnasyny eksport etdi- diýip, «Türkmenistan» gazeti ýazýar.
Häzirki wagtda kärhanada martda başlanan we noýabrda tamamlanjak önümçilik möwsümi gyzgalaňly dowam edýär. Toplumyň işgärleri eýýäm buýan köküniň 1,1 müň tonnasyny we buýan ekstraktynyň 549 tonnasyny taýýarladylar.
Türkmenistan buýan köküni we ondan alynýan önümleri Hindistana, Hytaýa, Russiýa we beýleki ýurtlara eksport edýär. Bu dermanlyk ösümlik adam saglygy üçin köp peýdaly häsiýetlere eýedir. Ol aşgazan, deri kesellerinde, dem alyş ýollarynyň kesellerinde kömek edýär, alawlanmany azaldýar, immuniteti güýçlendirýär.
Buýanda glisirrizin turşusy bardyr, ol ýokançlara garşy, kömelege gärşy we çişlere garşy täsire eýedir. Ol şeýle hem flawonoidlere, organiki turşylara, efir ýaglaryna we bedeniň dürli ulgamlaryna oňaýly täsir edän beýleki maddalara baýdyr.
Şunuň bilen baglanyşykly okaň:
Türkmenabatda buýandan glisirrizin çykaryp başlarlar
Türkmenistan buýandan wirusa garşy serişdäni öndürip başlar
ORIENT habarlar
