Ilatyň adatdan daşary ýagdaýlara taýýarlygy güýçlendirilýär
BMG-niň Çagalar gaznasynyň Türkmenistandaky wekilhanasy ilatyň adatdan daşary ýagdaýlara taýýarlyk derejesini güýçlendirmäge degişli çäreleriň birnäçesini geçirdi. Gurama ýörite sebit taslamasynyň çäklerinde bu çäreleri Türkmenistanyň Goranmak ministrligi, Bilim ministrligi, Gyzyl Ýarym Aý milli jemgyýeti bilen hyzmatdaşlykda guraýar.
Şeýlelikde, bu taslamany ýerine ýetrimegiň çäklerinde, Aşgabat şäherinden, Ahal, Lebap we Daşoguz welaýatlaryndan mekdep okuwçylarynyň 1 müň töweregi, ýöriteleşdirilen mekdeplerden 400 töweregi mekdep direktorlary we mugallymlary, meýletinçileriň we Gyzyl Ýarym Aý milli jemgyýetiniň 300 töweregi işgäri degişli taýýarlyk okuwlaryny geçdiler.
Olar howanyň üýtgemegine uýgunlaşmak we tebigy hadysalaryň töwekgelçiligini azaltmak boýunça bilimlerini artdyryp, tejribelerini artdyrdylar. Bu okuwlar USAID-iň mekdep we jemgyýetçilik derejesinde töwekgelçiligi peseltmek boýunça sebit taslamasynyň çäklerinde maliýeleşdirilýär.
ORIENT news
