20-nji sentýabrda Astrahanda Hazar metbugat forumy geçiriler
Astrahandaky Hazar metbugat forumy žurnalistler üçin her ýyl dürli ýurtlardan metbugat hünärmenleriniň ýygnanýan döredijilik platformasyna öwrüldi. Bu ýyl çäre 20-nji sentýabrda geçiriler. Duşuşygyň mowzugy – halklary birleşdirmegiň faktorlary hökmünde jemgyýetçilik diplomatiýasy we sosial media. Bu barada Astrahan oblastynyň gubernatory Igor Babuşkin habar berdi - diýip, TASS habar berýär.
Forum geçirmek başlangyjy 2014-nji ýylda hazarýaka ýurtlarynyň “bäşliginiň” –Russiýanyň, Gazagystanyň, Azerbaýjanyň, Eýranyň, Türkmenistanyň sammitinde teklip edildi. Ilkinji metbugat forumy 2015- nji ýylda Astrahanda geçirildi. Astrahan oblastynda çäräniň geçirilýän döwrüniň dowamynda Hazar redaksiýasy we Hazar bilermenler kluby döredildi. Mundan başga-da, maglumat alyş-çalşygy yzygiderli alnyp barylýar. 2022-nji ýylda foruma Azerbaýjandan, Eýrandan, Gazagystandan, Russiýadan we Türkmenistandan 500-den gowrak metbugat ulgamynyň hünärmenleri gatnaşdy.
Däp bolşy ýaly, forumyň çäginde iň gowy žurnalistik eser üçin “Serhetsiz Hazar” atly bäsleşigiň ýeňijilerini sylaglamak dabarasy geçiriler. 2022-nji ýylda ORIENT saýtynyň ýörite habarçysy - Leonid Kiýaşko bäsleşigiň "Adam we deňiz" nominasiýasynda ýeňiji boldy.
ORIENT news
