Özbegistanyň döwlet häkimiýetiniň düzüminde täze wezipe – maýa goýum dolandyryjylary
Täze wezipe - Özbegistanyň Maýa goýumlary, senagat we söwda ministrliginde maýa goýum menejeri ýa-da dolandyryjysy peýda bolar. Bu barada ýurduň Prezidenti Şawkat Mirziýoýew çarşenbe güni Daşkentde geçirilen ýygnakda yglan etdi – diýip, özbek metbugaty habar berýär.
Maýa goýum dolandyryjylarynyň gulluk wezipe borçlaryna her bir daşary ýurt maýadaryna ýoldaşlyk etmek girýär. Olar islendik meseläni dessin çözmek üçin daşary ýurtly telekeçiler we guramalar bilen hemişe aragatnaşykda bolarlar. Bu işgärler göni ministre hasabat bererler.
Özbegistanyň Prezidenti menejerlere maýa goýum we daşary işler ministrleriniň orunbasarlary bilen bilelikde 437 maýadar bilen işleşip başlamagy tabşyrdy. Diňe şu ýylyň dowamynda olaryň özbek ykdysadyýetine goşmaça 3 milliard dollar girdeji getirmegine garaşylýar.
ORIENT news
