Ankarada Magtymgulynyň 300 ýyllygyna bagyşlanan ylmy konferensiýa geçirildi
Sişenbe güni Ankara şäherindäki Türki medeniýetiň halkara guramasynyň (TÜRKSOÝ) baş edarasynda «Magtymguly Pyragy we türki halklarynyň edebiýaty» atly halkara ylmy forum geçirildi. Çäre Türkmenistanyň Türkiýe Respublikasyndaky ilçihanasy bilen TÜRKSOÝ tarapyndan bilelikde gurnaldy diýip, Türkmen diplomatik wekilhanasynyň metbugat gullugy habar berýär.
Maslahata, alymlar we medeni işgärler, daşary ýurtlaryň diplomatik wekilhanalarynyň, halkara guramalaryň ýolbaşçylary we wekilleri, deputatlar, öňdebaryjy ýokary okuw mekdepleriniň ýolbaşçylary, mugallymlary we talyplary, türkmen diasporasynyň wekilleri, metbugat işgärleri gatnaşdylar.
Forumda çykyş edenler Gündogaryň beýik şahyrynyň döredijiligi we ähliumumy ruhy gymmatlyklaryň hazynasyna goşan goşandy barada söhbet etdiler. Wekiliýet duşuşygyň halkara ylmy we medeni gatnaşyklaryň çuňlaşmagyna we ösmegine ägirt uly goşant goşandygyny biragyzdan ykrar etdiler.
Şeýle hem, gatnaşyjylar Magtymguly Pyragynyň eserleriniň, monografiýalaryň, kitaplaryň, okuw esbaplaryň we ylmy makalalaryň sergisine baryp gördüler. Esasanam çäräni guraýjylaryň hödürlän milli türkmen tagamlary myhmanlarda aýratyn täsir galdyrdy.
ORIENT news
