Türkmenistan ABU bilen hyzmatdaşlykda mediaforum geçirmekligi meýilleşdirýär
Sentýabrda Aziýa-Ýuwaş ummany ýaýlym birleşmesi bilen bilelikde mediaforumy guramaklygyň meseleleri Türkmenistanyň telewideniýe, radiogepleşikler we kinomatografiýa baradaky Döwlet komitetiniň başlygynyň orunbasary Annasähet Kakaýewiň guramanyň Baş sekretary Ahmed Nadim bilen duşuşygynyň barşynda ara alnyp maslahatlaşyldy.
Duşuşyk ABU-nyň Malaýziýanyň Kuçing şäherinde geçen Bütindünýa habarlar forumynyň çäklerinde geçdi.
Türkmenistanyň teleradiogepleşikler boýunça Döwlet komiteti bilen ABU-nyň arasynda ýola goýlan hyzmatdaşlygyň konstruktiw häsiýetini bellemek bilen, taraplar KHBS-i babatynda hyzmatdaşlygy mundan beýläk-de pugtalandyrmagyň ýollaryny ara alyp maslahatlaşdylar.
Forumyň meýdanynda şeýle hem Türkmenistanda ilkinji akylly şäher bolan Arkadag şäheriniň tanyşdyrylyşy boldy. Tanyşdyrylyşy Türkmenistanyň Halkara maglumat merkeziniň baş redaktory Tahyr Hojaýew geçirdi.
ABU-nyň Bütindünýä habarlar forumynyň barşynda Aziýa-Ýuwaş ummany ýaýlym birleşmesiniň Asiavision guramasynyň 10 sany iň işjeň agzasy yglan edildi. Olaryň arasynda seredilýän döwürde 293 material ibermek bilen Türkmenistanyň 7-nji orny eýeländigini belläp geçmelidiris.
ORIENT habarlar
