Arkadag şäherinde täze desgalar gurlar we durky täzelener
Arkadag şäherinde muzeýiň, ýangyn howpsuzlyk gullugynyň täze binalaryny we Saglyk seýilgähini gurmak boýunça bäsleşik yglan edildi. Degişli bildiriş Türkmenistanyň resmi metbugatynda çap edildi.
Şeýle hem, Türkmenistanyň Prezidentiniň ýanyndaky Arkadag şäherini gurmak boýunça Döwlet komiteti we şäher häkimligi ýurdumyzyň ilkinji “akylly” şäherine barýan ýerasty ýollary gurmak, Akhan, Gurbansoltan eje şaýollarynda, söwda-hyzmat ediş toplumynda döwrbaplaşdyrmak işlerini geçirmegi teklip edýär.
Täze desgalary gurmak we durkuny täzelemek işleri Arkadag şäherini gurmagyň ikinji tapgyrynyň çäklerinde amala aşyrylar. Degişli bäsleşiklere gatnaşmak isleýän taraplaryň teklipleri 23-nji awgusta çenli Arkadag şäher häkimliginde kabul edilýär.
ORIENT news
