Özbegistanda 1-nji sentýabrda oba hojalygyna hünärmenleri taýýarlamak üçin täze institut we halkara mekdep açylar
Samarkantda 2023-nji ýylyň 1-nji sentýabrynda Daşkendiň döwlet agrar uniwersitetiniň şahamçasynyň bazasyndaky Oba hojalygy innowasiýalaryň we gözlegleriň instituty talyplar üçin öz gapysyny açar. Täze okuw edarasy ýokary okuw mekdepleri we MGI bilen hyzmatdaşlyk eder. Bilim taslamasy fundamental oba hojalyk gözlegleriň edaralar arasy merkeziniň döredilmegini göz öňünde tutýar. Şeýle hem institutyň garamagynda oba hojalyk ekinleriniň Gen banky we meýdan ekinleriniň Milli ylmy toplumynyň müdirligi dörediler diýip, NOVA24uz habar berýär.
Samarkandyň ýokary okuw mekdebi, şeýle hem Oba hojalygy ministrligi bilen ylalaşyk esasynda ýokary okuw jaýlarynda we MGI- nyň oba hojalyk we azyk senagaty pudagynda ylmy taslamalaryň we dissertasiýalaryň mowzugynyň emele gelmeginiň merkezi bolar.
Mundan başga-da Daşkentde sentýabrda, britan bilim ulgamynyň esasynda ýöriteleşdirilen halkara mekdep açylar. Täze okuw jaýy, Beýik Britaniýanyň patyşalygynyň oba hojalyk uniwersiteti bilen bilelikde esaslandyrylan halkara oba hojalyk uniwersitetiniň bazasynda dörediler.
Halkara mekdep, özbaşdak döwlete degişli däl umumy bilim berýän edara bolar. Birinji okuwçylary eýýäm 2023/2024-nji okuw ýylynda 1- nji ýa-da 5-nji synpdan okuwa girip biler.
Özbegistanda institut we mekdep ýurduň prezidentiniň «Ylymyň, bilimiň we önümçiligiň geçişiniň hasabyna agrosenagat toplumynyň täsirliligini ýokarlandyrmak boýunça goşmaça çäreler hakyndaky» permanyna laýyklykda dörediler diýip, habarda aýdylýar.
ORIENT news
