Hytaýdan kuwwatly göteriji ulaglaryň 9-sy satyn alyndy
“Türkmennebit” döwlet konserniniň Balkan welaýatynyň merkezindäki “Nebitgazdüýpliabatlaýyş” trestine Hytaý Halk Respublikasyndan satyn alnan ýöriteleşdirilen kuwwatly göteriji desgalaryň 9-sy gelip gowuşdy.
Giň gerimli işleri ýokary talaplara laýyk derejede alyp barmaga niýetlenen “XJ - 450” we “XJ - 650” kysymly bu täze göteriji desgalary trestiň guýulary düýpli abatlaýjy müdirlikleriniň hünärmenleri kabul etdiler. Konserniň degişli düzümleri şu ýylyň başynda şeýle kuwwatly desgalaryň 7-sine eýe bolupdy.
Ozal baglaşylan şertnama laýyklykda, Hytaý Halk Respublikasyndan gelip gowşan bu köpugurly we kuwwatly göteriji desgalar önüm bermesini kemelden ýa-da bütinleý bes eden guýularda düýpli abatlaýyş işlerini ýokary hilli amala aşyrmaga giň mümkinçilikleri berýär.
ORIENT news
