7,3 million dollarlyk 10 söwda geleşigi baglaşyldy
10-njy iýulda Türkmenistanyň Döwlet haryt-çig mal biržasynda umumy 7,3 million dollar bolan söwda geleşikleriň 10-sy baglaşyldy.
Owganystandan gelen işewür topar “Türkmennebit” döwlet konserniniň kärhanalarynda öndürilen esaslyk ýagyň 4,5 müň tonnasyny 3,4 million dollara, dizel ýangyjynyň 5 müň tonnasyny 2,9 million dollara satyn aldylar.
Gyrgyzystandan we BAE-den gelen telekeçiler ýurdumyzyň hojalyk jemgyýetlerinden dürli görnüşli tüýjümek nah matalaryň 46,4 müň kilogramyny 213,4 müň dollara satyn aldylar. Türkiýeden gelen işewür türkmen hususy kärhanasyndan nah ýüplügiň 220 müň kilogramyny 436,7 müň dollara satyn almaga geleşik baglaşdy.
BAE-den işewür toparyň wekili türkmen hojalyk jemgyýetinden flanel nah matasynyň 500 müň inedördül metrini 275 müň dollara satyn aldy.
ORIENT news
