Gurbanguly Berdimuhamedow Şawkat Mirziýoýewi gutlady
Türkmenistanyň Halk Maslahatynyň Başlygy Gurbanguly Berdimuhamedow telefon arkaly Şawkat Mirziýoýewi ýakynda Özbegistanda geçirilen Prezident saýlawlarynda gazanan ynamly ýeňşi bilen gutlady. Türkmen halkynyň Milli Lideri doganlyk özbek halkyna abadançylyk we gülläp ösüş arzuw etdi diýip, Özbegistanyň Prezidentiniň metbugat gullugy habar berýär.
Telefon söhbetdeşliginiň dowamynda dostluk, goňşuçylyk we strategik hyzmatdaşyga esaslanýan türkmen-özbek hyzmatdaşlygynyň oňyn ösüşi bellendi. Şeýle hem, öňde durýan bilelikdäki çäreleriň gün tertibine seredildi.
Deslapky netijelere laýyklykda, Şawkat Mirziýoýew möhletinden öň geçirilen Prezident saýlawlarynda ähli sesleriň 87,05 göterimini gazanyp, ynamly ýeňiş gazandy diýip, ýurduň Merkezi saýlaw topary habar berýär.
ORIENT news
