Serdar Berdimuhamedow we Şawkat Mirziýoýew strategik hyzmatdaşlygy ara alyp maslahatlaşdylar
Prezident Serdar Berdimuhamedow Özbegistanda möhletinden öň geçirilen Prezident saýlawlarynda gazanan ynamly ýeňşi bilen özbek kärdeşi Şawkat mirziýoýewi gutlady. Bu barada Özbegistanyň Prezidentiniň metbugat gullugy habar berýär.
Iki ýurduň liderleriniň arasynda geçirilen telefon söhbetdeşliginde türkmen-özbek gatnaşyklaryny mundan beýläk-de çuňlaşdyrmak we köptaraplaýyn esasda giňeltmek meseleleri ara alnyp maslahatlaşyldy. Dürli derejede geçirilýän özara gepleşiklere kanagatlanma bildiren liderler köptaraplaýyn esasdaky hyzmatdaşlygy ösdürmegiň we taslamalary iş ýüzünde durmuşa geçirmegiň wajypdygyny bellediler.
Deslapky maglumatlara görä, Şawkat Mirziýoýew ähli sesleriň 87,05 göterimini gazanmak bilen Özbegistanda geçirilen Prezident saýlawlarynda öňdeligi eýeleýär.
ORIENT news
