Huawei emeli intellektiň uly diliniň iň täze modelini görkezdi
Telekommunikasiýalar pudagynda dünýäde iri kompaniýalaryň biri bolan Hytaýyň Huawei Technologies Co. kompaniýasy emeli intellektiň köpdilli modeli Pangu 3.0-iň soňky wersiýasyny görkezdi.
Huawei Cloud-yň baş direktory Çžan Pinganyň aýtmagyna görä, Pangu Model 3.0 üç derejeden durýar — uly diliň esasy modeli L0, pudaklaýyn model L1 we anyk ssenariler üçin L2.
Uly diliň Pangu modeli eýýäm 10-dan gowrak pudaklarda, hususanda, maliýe, saglygy goraýyş babatynda, önümçilikde, energetika babatynda, kömüri gazyp almakda we ş.m. ulanylýar.
Kompaniýanyň wekilleri şeýle hem emeli intellektiň ynkylapçy modeli Pangu Weather hakynda gürrüň berdiler. Pangu-Weather — emeli intellektiň esasynda howa maglumatynyň bütindünýä ulgamydyr, ol däp bolup gelýän usullar bilen deňeşdireniňde ýokary anyklygy görkezýär. Model bütindünýä howa maglumatynyň wagtyny birnäçe sekunda çenli kemeldip, çaklamanyň tizligini 10 müň esse ýokarlandyrmaga mümkinçilik berýär.
ORIENT habarlar
