Jemgyýetçilik saglygyny goramakda adatdan daşary ýagdaýlara gözegçilik etmek boýunça okuwlar geçirildi
Türkmenistanyö serhetýaka giriş-çykyş nokatlarynda jemgyýetçilik saglygy goraýyşy babatynda adatdan daşary ýagdaýlara gözegçilik etmeklige bagyşlanan kaskad okuwlary geçirildi.
Ony BSGG-niň ýurdumyzdaky wekilhanasy, Türkmenistanyň saglygy goraýyş we derman senagaty ministrligi bilen bilelikde guradylar. Okuw seminarynda Döwlet arassaçylyk we keselleriň öňüni alyş gullugynyň wekilleri we serhetýaka giriş-çykyş nokatlarynda jemgyýetçilik saglygy goraýyşy babatynda adatdan daşary ýagdaýlara gözegçiligi amala aşyrýan ministrlikleriň we edaralaryň hünärmenleri bu ugurda öňdebaryjy tejribeleri öwrendiler.
Okuwa gatnaşyjylar Türkmenistanyň giriş-çykyş nokatlarynda jemgyýetçilik saglygy goraýyşy babatynda adatdan daşary ýagdaýlar boýunça hereketleriň Milli meýilnamasy, ýokanç keselleriň öňüni almagyň we gözegçilik etmegiň düzgünleri we kadalary boýunça usulyýet gollanmasy bilen tanyşdylar.
Olar ýokanç keseller bilen keselländigi şübhe edilýän adamlary saglyk edaralaryna eltmegiň, çykyş nokatlarynda galyndylary gaýtadan işlemegiň usullaryny öwrendiler.
Alnan bilimleri tejribede berkitmek maksady bilen jemgyýetçilik saglygy goraýyşy babatynda adatdan daşary ýagdaý bolan halatynda edilmeli çäreler boýunça simulýasion gönükmeler geçirildi.
ORIENT habarlar
