ABŞ sintetiki neşe serişdelerine garşy göreşmek üçin global koalisiýa döredýär
ABŞ-nyň Döwlet sekretary Entoni Blinken 7-nji iýulda sintetik neşe serişdelerine garşy bütindünýä koalisiýa gurmak üçin onlaýn ministrler konferensiýasyny çagyrdy. Bu çärä 60 töweregi ýurt we halkara guramalar gatnaşdy.
Blinken ABŞ-nyň başlangyjy bilen döredilen Global koalisiýanyň üsti bilen halkara jemgyýetçiligini sintetiki neşe serişdeleriniň bikanun öndürilmeginiň we söwdasynyň öňüni almaga, täze tendensiýalary kesgitlemäge we olaryň adam saglygyna ýetirýän täsirlerine netijeli jogap bermäge çagyrdy.
Bu koalisiýanyň maksatlary, sintetiki neşe serişdeleriniň öndürilişinde, söwdasynda we sarp edilişinde tendensiýalara has gowy düşünmek üçin maglumat, tejribe we öňdebaryjy tejribe alyşmak arkaly, şeýle hem ylalaşylan we täsirli jogap üçin ikitaraplaýyn, sebitleýin we köptaraplaýyn hyzmatdaşlygy höweslendirmek arkaly halkara utgaşdyrylyşy we hyzmatdaşlygy güýçlendirmekdir.
Ol ýurtlaryň sintetiki neşe gaçakçylygynyň öňüni almak, bejermek, talaplary azaltmak we sintetik neşe gaçakçylygyna garşy göreşmek nukdaýnazaryndan berkitmäge, şeýle hem saglygy goraýyş we hukuk goraýjy hünärmenler üçin iň oňat tejribe alyşmak, tehniki kömek we hünärmenleri okatmak mümkinçiliklerini güýçlendirmegi maksat edinilýär.
Çärä gatnaşyjylar häzirki zaman neşe jenaýatynyň kynçylyklary we howplary bilen baglanyşykly derwaýys meseleleri ara alyp maslahatlaşdylar we bu meselä netijeli garşy göreşmek üçin bilelikdäki tagallalary etmäge razy boldular.
Duşuşygyň netijesinde gatnaşyjy ýurtlaryň bu ugurda ýüze çykýan howplara hemmetaraplaýyn we yzygiderli jogap bermek niýetini görkezýän Jarnama kabul edildi.
ORIENT news
