Annageldi Ýazmyradow obasenagat toplumy boýunça wise-premýer wezipesinden boşadyldy
Türkmenistanyň Ministrler Kabinetiniň Başlygynyň obasenagat toplumyna gözegçilik edýän orunbasary Annageldi Ýazmyradow saglyk ýagdaýy sebäpli, öz islegi boýunça eýeleýän wezipesinden boşadyldy.
Döwlet Baştutany bu baradaku degişli Permana anna güni sanly ulgam arkaly geçirilen nobatdaky Hökümet mejlisiniň barşynda gol çekdi.
Bu wezipä Taňryguly Atahallyýew bellenildi we ol Balkan welaýatynyň häkimi wezipesinden boşadyldy.
Balkan welaýatynyň häkiminiň wezipesini wagtlaýyn ýerine ýetirmek Balkan welaýatynyň häkiminiň orunbasary Jumanazar Annaýewiň üstüne ýüklenildi.
Bu barada 7-nji iýulda Türkmenistanyň teleraiogepleşikler baradaky döwlet komitetiniň habarlar gepleşiginiň agşamky sanynda habar berildi.
Annageldi Ýazmyradow Türkmenistanyň Ministrler Kabinetiniň Başlygynyň orunbasary wezipesinde bir ýyldan gowrak işledi, 2022-nji ýylyň iýun aýyna çenli ol Prezidentiň oba hojalyk meseleleri boýunça geňeşçisi wezipesini ýerine ýetiripdi.
