Türkmenistan we Ýaponiýa maliýe-ykdysady hyzmatdaşlygyň gelejegini ara alyp maslahatlaşdylar
Türkmenistanyň maliýe we ykdysadyýet Ministrliginiň wekiliýeti Ýaponiýanyň daşary işler we maliýe ministrlikleriniň ýokary derejeli emeldarlary bilen Tokioda birnäçe duşuşyklary geçirdi – diýip, Türkmenistanyň Ýaponiýadaky diplomatiki wekilhanasy habar berýär.
Gepleşiklariň maksady iki ýurduň arasyndaky maliýe-ykdysady hyzmatdaşlygyň ösüşiniň gelejegini ara alyp maslahatlaşmak, şeýle hem bu babatda ikitaraplaýyn gatnaşyklary kadalaşdyryjy täze resminamalaryň taýýarlanmagy boldy.
Gepleşikleriň barşynda taraplar Türkmenistan bilen Ýaponiýanyň arasynda hyzmatdaşlygyň otuz ýylynyň dowamynda emele gelen ynamyň we hyzmatdaşlygyň ýokary derejesinden kanagatlanýandyklaryny beýan etdiler. Olar şeýle hem ýapon kompaniýalarynyň Türkmenistanyň infrastrukturasynyň ösüşine, aýratyn hem ulag, energetikä we himiýa pudaklarynyň ösüşine saldamly goşandyny bellediler.
Taraplar iki ýurduň arasynda söwda, maýa goýum we karz aragatnaşyklarynyň mundan beýläk-de giňeldilmeginiň, şeýle hem sebitleýin derejede dialogy pugtalandyrmagyň zerurdygyny nygtadylar.
ORIENT habarlar
