Türkmen kinorežissýoryň filmi «Merkezi Aziýanyň iň gowy filmi» baýragyna dalaşgär boldy

Iýul 07, 2023 | 01:57 |11826

Türkmen kinorežissýory Sahysalyh Baýramowyň «Gyzyl Kurte» filmi Gyrgyzystanyň «Ak ilbirs» («Ak bars») milli film baýragy «Merkezi Aziýanyň iň gowy filmi» baýragyna dalaşgärleriň arasyna girdi diýip, AKIpress habar berýär.

Merkezi Aziýa Kinematografiýa sungaty akademiýasynyň «Ak ilbirs» baş baýragy üçin ýene iki film – Gazagystandan Darežan Omirbaýewiň režissýorlygyndaky «Akyn» we Özbek režissýory Ýolkin Tuýçiýewiň «Ewolýusiýa» bilen söweşer.

Ýeňijiler 8-nji iýulda film baýrak gowşurylyş dabarasynda yglan ediler.

Oguz Han adyndaky «Türkmenfilm» kinostudiýasynyň «Gyzyl kurte» filmi 2022-nji ýylda giň ekrana çykdy. Film hakyky wakalara esaslanyp, Beýik Watançylyk Urşy we türkmen aýal-gyzlarynyň watançylygy hakda gürrüň berýär.

ORIENT news