TASS maglumatlar agentliginde baş direktor çalyşdy
Russiýanyň döwlet maglumatlar agentligi TASS-da baş direktor çalyşdy- diýlip, agentligiň saýtynda habar berilýär. Degişli buýruga RF-nyň premýer-ministri Mihail Mişustin gol çekdi.
Ýurduň köne maglumatlar agentligine 2012-nji ýyldan bäri baştutanlyk edýän Sergeý Mihaýlow baş direktor wezipesinden gitdi. Onuň ýerine ozal WGTRK-nyň baş direktorynyň birinji orunbasary bolan Andreý Kondraşow bellendi.
«Mihaýlowyň dolandyrmagynda 11 iş ýylynyň dowamynda TASS çylşyrymly mediabazaryň bäsdeşlige ukyply oýunçysyna öwrüldi. Tehniki binýady we infrastrukturany täzelemekden başlap döwrebap sanly önümleriň döremegine çenli döwrebaplaşdyrmak boýunça ägirt uly işler geçirildi» — diýip, TASS belliklerini aýdýar.
Žurnalistler bilen gürrüňdeşlikde Mihaýlow ýakyn wagtda gelejekdäki hünär meýilnamalary barada habar berjekdigini gürrüň berdi.
TASS-yň täze baş direktory Andreý Kondraşowyň ozal WGTRK-nyň Merkezi Aziýa boýunça hususy habarçysy bolandygyny bellemelidiris. Mundan başgada, ol «Вести» we «Вести недели» telegepleşiklerini alyp barypdy.
ORIENT habarlar
