Serdar Berdimuhamedow Türkmenistan-ŞHG dialogynyň ösüşi üçin bäş möhüm ugry kesgitledi
Şanhaý Hyzmatdaşlyk Guramasynyň agzalary, synçy ýurtlar – Türkmenistanyň köpýyllyk hyzmatdaşlary, goňşulary we dostlary, şonuň üçin ŞHG bilen gepleşikler ýurdumyz üçin ikitaraplaýyn gatnaşyklarda bolşy ýaly, sebitleýin we global derejedäki meselelere gatnaşmagyň logiki ösüşidir. Bu barada Prezident Serdar Berdimuhamedow sişenbe güni ŞHG agza ýurtlaryň döwlet baştutanlarynyň geňeşiniň mejlisinde başlyklyk edýän ýurt - Hindistan tarapyndan çagyrylan myhman hökmünde wideoaragatnaşyk arkaly eden çykyşynda aýtdy.
Türkmenistanyň Döwlet Baştutany Türkmenistan –ŞHG dialogyny işjeňleşdirmek üçin birnäçe möhüm ugurlary kesgitlemegi teklip etdi. Olar:
— kiber we bio howpsuzlygy babatynda syýasy we diplomatik hyzmatdaşlyk;
— transkontinental we sebit ulag-üstaşyr geçelgeleriniň täzelerini döretmek we bar
bolanlarynyň netijeliligini ýokarlandyrmak üçin logistika mehanizmlerini
döretmek;
— ŞHG ýurtlaryna we beýleki ýurtlara energiýa üpjünçiligini diwersifikasiýa etmek
boýunça bilelikdäki taslamalary işläp düzmek arkaly uzak möhletleýin energiýa
hyzmatdaşlygy üçin şert döretmek;
— ýokary tehnologiýalar ulgamynda ulgam hyzmatdaşlygy üçin platforma
döretmek;
— howanyň üýtgemegi, daşky gurşawy goramak we ekologiýa meseleleri babatynda
bilelikdäki işleri utgaşdyrmak.
Soňky ugur nukdaýnazaryndan Serdar Berdimuhamedow kärdeşlerini Türkmenistanyň Aşgabatda Merkezi Aziýa üçin howa tehnologiýalary boýunça sebit merkezini döretmek baradaky başlangyçlaryny durmuşa geçirmäge gatnaşmaga çagyrdy.
Türkmenistanyň Prezidenti bilelikdäki işleriň usullary barada ylalaşmak üçin kesgitlenen ugurlaryň her biri boýunça bilermen geňeşmelerinden başlamagy teklip etdi.
Geljekde bu çemeleşme Türkmenistan-ŞHG gepleşikleriniň beýleki möhüm taraplary boýunça, şol sanda medeniýet, ylym, bilim, saglygy goraýyş ýaly ugurlarda hem ulanylyp bilner – diýip, Serdar Berdimuhamedow aýtdy.
ORIENT news
