BAE-de sürüjisiz awtoulaglar üçin ilkinji ygtyýarnamany tassykladylar
BAE-niň wise-prezidenti we premýer-ministri, şeýle hem Dubaýyň hökümdary şeýh Mohammed bin Raşid Al Maktum BAE-niň ýollarynda sürüjisiz ulag serişdelerini ulanmak üçin ilkinji ygtyýarnamany tassyklady.
Ygtyýarnama WeRide kompaniýasy tarapyndan hödürlendi. Indi kompaniýa ýurduň ýollarynda sürüjisiz awtoulaglary synag edip biler.
Özüniň Twitterdäki mikroblogynda şeýh Mohammed geçen ministrler Geňeşinde elektromobilelr barada milli syýasatyň tassyklanandygyny habar berdi. Ol elektromobiller üçin zarýad beriji gurluşlaryň milli torunyň döredilmegine, elektromobilleriň bazarynyň kadalaşdyrylmagyna, zyňyndylaryň kemeldilmegini üpjün etmäge, şeýle hem BAE-de ýollaryň hilini saklamaga gönükdirilendir.
WeRide kompaniýasy bütin dünýä boýunça 26-dan gowrak şäherde, şol sanda Abu-Dabide özbaşdak sürmek babatynda ylmy-barlaglary we amallary geçirmeklik bilen işjeň meşgullanýar. Onuň ştab-kwartirasy Guançžouda, Hytaýda ýerleşýär.
ORIENT habarlar
