Türkmenistanly ýaş artistler Moskwada geçiriljek çagalar medeni forumyna gatnaşarlar
Moskwada, 10-12-nji awgust aralygynda II Halkara çagalar medeni forumy geçiriler. Festiwal döredijilikli zehinli çagalara goldaw bermek, täsin gatnaşyklary ösdürmek we berkitmek hem-de olary medeniýet pudagyndaky dünýä üstünlikleri bilen tanyşdyrmak üçin niýetlenendir.
Ýaş artistler üçin öňdebaryjy medeniýet we sungat işgärleri, şeýle hem döwlet we jemgyýetçilik işgärleri bilen gepleşikler üçin şertler dörediler. Gatnaşjaklaryň Abhaziýadan, Belarusiýadan, Günorta Osetiýadan, Serbiýadan, Türkmenistandan, Täjigistandan, Özbegistandan, Müsürden we beýleki ýurtlardan 12 ýaşdan 17 ýaşa çenli çagalaryň bolmagyna garaşylýar diýip, TASS habar berýär.
«Bizde halkara gatnaşyk meýilleşdirilýär. Geçen ýyl takmynan 2,5 müň çaga bardy, bu ýyl has gyzykly maksatnama bolmagyna garaşýarys»,- diýip, Sankt-Peterburgyň halkara ykdysady forumynda çykyş eden döwlet sekretary - Russiýa Federasiýasynyň Medeniýet ministriniň orunbasary Nadezda Prepodobnaýa aýtdy.
Ilkinji gezek Halkara çagalar medeni forumy 2022-nji ýylyň awgust aýynyň ahyrynda Moskwada geçirildi. Guramaçy, Russiýa Federasiýasynyň Medeniýet ministrligi.
ORIENT news
