Türkmenistanyň we Belarus Respublikasynyň arasyndaky söwda dolanyşygy 50 göterime golaý artdy
Geçen 2022-nji ýylda Türkmenistan bilen Belarus Respublikasynyň arasyndaky söwda dolanyşygy 46,6 göterim ýokarlandy. Bu barada Belarus Respublikasynyň ýurdumyzdaky ilçisi Wýaçeslaw Beskostyý «Нейтральный Туркменистан» gazetine beren beýanatynda mälim edýär.
Ilçiniň mälim etmegine görä, iki ýurduň arasyndaky söwda dolanyşygynyň şu ýylda hem oňyn ösmegine garaşylýar. Şeýle hem, şu ýylyň ikinji ýarymynda Minsk şäherinde Ykdysady hyzmatdaşlyk boýunça Hökümetara türkmen-belarus toparynyň 10-njy mejlisini geçirmek göz öňünde tutulýar.
Mundan başga-da, iki ýurduň arasynda göni howa gatnawlarynyň gaýtadan dikeldilmegi pandemiýa hadysasyndan öňki döwürdäki ýaly, Belarus Respublikasyna barýan türkmen talyplarynyň sanynyň artmagyna itergi berip biler. Şunuň bilen baglylykda, häzirki wagtda dostlukly döwletiň ýokary okuw mekdeplerinde türkmen talyplarynyň 6 müňden gowragy okaýar.
ORIENT news
