«Ýaşlary ösdürmegiň tomusky maksatnamasy – 2023» ýaşlary çagyrýar
«Ýaşlary ösdürmegiň tomusky maksatnamasy – 2023» 10-njy iýulda Aşgabatda başlar. Türkmenistanda ýaşlar syýasatynyň durmuşa geçirilmegine we telekeçilik ukyplarynyň ösmegine hem-de ýaşlaryň işe ýerleşmegine goldaw bermäge gönükdirilen bilim kampaniýasy, USAID-iň häzirki zaman hünär ussatlygyny ösdürmek taslamasy bilen bilelikde «Türkmenistanyň Ykdysadyýetçiler birleşigi» milli jemgyýetçilik birleşigi tarapyndan başladylýar.
Maksatnamanyň çäginde XXI asyryň iň möhüm amaly endikleri boýunça okuwlar geçiriler:
• Telekeçiligiň we işewürligi meýilleşdirmegiň esaslary
• Üstünlikli işe ýerleşmek we şahsy netijelilik (soft skills)
• Sanly endikler
Okuw kepillendirilen tälimçiler we hünärmenler tarapyndan geçiriler. Maksatnamanyň çäginde ýokary hilli okuw materiallary we tanyşdyryşlar görkeziler, ussatlyk sapaklary we üstünlikli telekeçiler bilen duşuşyklar geçiriler. Kurslar 28-nji iýula çenli dowam edip, tamamlanandan soň gatnaşyjylara degişli şahadatnamalar berler.
Tomusky maksatnama 16-dan 25-e çenli ýaş aralygyndaky ýaşlar gatnaşyp bilerler. Gatnaşmak üçin salgylanma boýunça onlaýn sowalnamany dolduryp ýüz tutup bilersiňiz:
Habarlaşmak üçin telefonlar: +99362979068, +99365851782
Hasaba alynmaga howlugyň, ýerler çäklidir!
ORIENT news
