It Amurýaka tokaýlygynda ýiten çagany halas etdi
It Amurýaka tokaýlygynda ýiten oglanjygy halas etdi. Ol bir gije-gündizini tokaýda geçiren oglanjygy ýabany haýwanlardan we gijäniň sowugyndan gorapdyr.
Kakasy ogly bilen Russiýa Federasiýasynyň Amur oblastynyň Arharinskiý raýonynda ýerleşýän tokaýlyga aw etmäge ugraýar. 27-nji iýunda gündiz 10 ýaşly oglan kakasyndan uzaklaşyp, tokaýda azaşýar. Gür tokaýlykda ýiten çaganyň gözleg işine 68 adam we jemi 18 tehnika - pilotsyz uçarlar, kwadrosikller, dikuçar we hususy uçar gatnaşýar.
27-nji iýunda agşam golaýdaky balary fermasyndan bir it oglanjygyň ysyny alyp, ýanyna gelýär. Bu sebäpli, ýabany haýwanlar çaganyň ýanyna barmaga het edip bilmändirler. Oglanjygyň bukalga edinen ýerinden 700 metr aralykda çagaly aýynyň hininiň bardygyny gözlege gatnaşanlar gürrüň berýär. Bu döwürde ene aýylar öz nesilleriniň goragynda aýratyn howpludyr.
“Tokaýyň jümmüşinde balary fermasy bolup, ony goraýan it oglanjygyň ysyny alypdyr we düýn ýanyna gelipdir. Şeýdip, ol çaganyň janyny halas etdi. Iti duýýan ýabany haýwanlar çaganyň ýanyna gelip bilmändirler. It oglanjygy ýeke goýmandyr we tä adamlar gözläp tapýançalar, gapdalynda ýatypdyr" – diýip, gözlegçiler habar berdiler.
ORIENT news
