Serdar Berdimuhamedow "Türki dünýäsiniň öňünde bitiren hyzmatlary üçin" medal bilen sylaglandy
Prezident Serdar Berdimuhamedow Arkadag şäheriniň açylyş dabaralaryna gatnaşmak üçin ýurdumyza gelen Türki dünýäsiniň binagärler we inženerler birleşmesiniň Baş sekretary Ilýas Demirjini kabul etdi.
Duşuşygyň barşynda gurluşyk, inženerçilik we ylmy ugurlarda Türkmenistanyň we Birleşmäniň arasyndaky hyzmatdaşlyk meseleleri ara alnyp maslahatlaşyldy. Söhbetdeşligiň barşynda Baş sekretar Türkmenistanyň oňyn ösüşini we onuň türki döwletleriniň arasyndaky hyzmatdaşlygy ösdürmekdäki goşandyny belledi.
Türkmenistanyň özboluşly gaýtalanmajak döwrebap keşbini emele getirmekde Prezident Serdar Berdimuhamedowyň şahsy goşandyny nygtan Ilýas Demirji dabaraly ýagdaýda "Türki dünýäsiniň öňünde bitiren hyzmatlary üçin" medaly gowşurdy.
Ýokary sylag üçin hoşallygyny bildiren Prezident Serdar Berdimuhamedow bu sylagy ýurdumyzyň şähergurluşyk we inženerçilik babatda ýeten belent sepgidiniň nyşany hökmünde kabul edýändigini nygtady.
ORIENT news
