Günorta Koreýanyň ýaşaýjylary 28-nji iýundan resmi taýdan iki ýyl “ýaşarar”
Günorta Koreýada 28-nji iýunda ýaş hasaby ulgamy üýtgedilýär, ýurtda halkara ýaş hasaplama ulgamyna laýyk düzgünleri kabul edýän täze kanun resmi taýdan güýje girer. Respublikada bu mesele boýunça “koreý çemeleşmesi” ýatyrylyp, ýurduň raýatlarynyň ýaşy çarşenbe güni 1 ýa-da 2 ýaş kemeler – diýip, Time žurnaly habar berýär.
Ýurduň parlamenti degişli kanuny geçen ýylyň ahyrynda kabul etdi. Tutuş dünýäde ulanylýan täze doglan çaga nol ýaş berip, her ýyl doglan gününde oňa 1 ýyl goşma düzgüni Günorta Koreýada 1960-njy ýyldan bäri ulanylýar, ýöne bu ýaş hasaplama ulgamy diňe saglygy goraýyş ulgamynda adamyň fiziki ýaşyny kesgitlemek üçin ýörgünlidir. Şeýle hem, ol kazyýet işlerinde we käbir beýleki ugurlarda ulanylýar.
Günorta Koreýada adat bolan iki ulgam bar. Birinjisi - täze doglan çaga 1 ýaş berilýär, soňra bolsa Aý senenamasy boýunça Täze ýylyň ilkinji gününde oňa 1 ýyl goşulýar. Ikinjisi – çaga doglanda, nol ýyl ýazylyp, her ýylyň 1-nji ýanwarynda 1 ýaş goşulýar.
Adaty ýaş hasaplaýyş ulgamyna geçilende, 28-nji iýundan başlap, ýurduň käbir ýaşaýjylary resminamalaryna görä 1 ýa-da 2 ýyl ýaşyny ýitirerler. Mysal üçin, 2002-nji ýylyň 31-nji dekabrynda doglan koreýaly halkara ulgama görä 8-nji dekabrda 19 ýaşady, respublikada kabul edilen iki ulgama görä bolsa - ol 20 ýa-da 21 ýaşynda.
ORIENT news
