"Çapar" mobil goşundysy awiabiletleri onlaýn satyn almagyň iň amatly usulyny hödürleýär
"Türkmenpoçta" poçta aragatnaşyk kompaniýasy "Türkmenistan" awiakompaniýasynyň içerki howa gatnawlaryna petekleri satyn almak üçin iň amatly usuly hödürleýär.
Ulanyjylar "Çapar" mobil goşundysyny özleriniň smartfonlaryna ýükläp alyp, mobil goşundydaky "Awiabiletler" bölümine basmak ýeterlikdir. Degişli ýerlere uçjak we barjak ýerini hem-de wagtyňy görkezeniňden soň, bar bolan boş ýerler görkezilýär.
Gyzykly ýeri, mobil goşundyda bir gezek awiabilet satyn alnandan soňra, girizilen maglumatlar awtomatik usulda ýatda saklanylýar. Bu indiki uçuşlarda bilet bronlamak üçin amatlydyr we gymmatly wagty tygşytlaýar.
Satyn alnan bilerler baradaky maglumatlar syýahatçy ýada salmaga mümkinçilik berer.
"Çapar" mobil goşundysy arkaly diňe biletleri däl-de eýsem, kommunal hyzmatlara, ýol-ulag jerimelerine tölegleri ýerine ýetirip bolýar. Mysal üçin mobil goşundysynyň üsti bilen mobil we öý telefonlaryna, internet töleglerini, suw, elektrik energiýa we gaz töleglerini töläp bolýar.
ORIENT news
