Özbegistanda haj parzyny ýerine ýetirmäge zyýarata gidýänler üçin onlaýn nobatyň başladylmagy meýilleşdirilýär
Haj parzyny ýerine ýetirmäge gitmek isleýän zyýaratçylaryň aç-açan nobatyny emele getirmek üçin özboluşly onlaýn ulgamyň döredilmegi barada Özbegistanyň prezidenti Şawkat Mirziýoýew saýlaw kampaniýasynyň çäginde yglan edildi.
Elektron nobatyň girizilmegi galplyklara we parahorlyga, şeýle hem mukaddes ýerlere syýahat etmegi wada berip, musulmanlaryň arkasyndan pul gazanýan, eli arassa bolmadyk korrupsiýonerlere garşy göreşmäge kömek eder diýlip garaşylýar.
Haja gidýänler üçin onlaýn nobat döretmek niýeti, 2017-nji ýylyň iýun aýynda gol çekilen hökümet karary bilen yglan edildi. Şeýle hem, resminamada raýatlaryň onlaýn nobatda durmaly tertibi görkezilýär.
Haja ugratmak Dini meseleler boýunça komitet we Özbegistanyň musulmanlarynyň ruhy dolandyryş guramasy tarapyndan gurnalýar. Diňe bu edaralar zyýaratçylara hyzmat edýän guramalar, myhmanhanalar, ulag we azyk kärhanalary, Saud Arabystanynyň degişli ministrlikleri bilen şertnama baglaşmaga ygtyýarly.
Özbegistan haja zyýaratçylary ýylsaýyn köpeldýär. Arap metbugatynyň habaryna görä, şu ýyl 15 130 özbek raýatlar olaryň ýurduna barar. 2030-njy ýyla çenli Özbek häkimiýetleri bu görkezijini 24 000-e ýetirmegi meýilleşdirýärler.
ORIENT news
