Diplomatic World žurnaly türkmen alabaýy hakynda neşirleri halkara tomaşaçylaryna hödürleýär
Ýakynda Diplomatic World halkara žurnalynyň 71-nji sany çapdan çykdy. Onda Belgiýa Patyşalygyndaky Türkmenistanyň ilçihanasy tarapyndan türkmen alabaýy hakynda taýýarlanan makala neşir edildi. Makala «Türkmen alabaý tohum itleri: wepalylygyň we güýjüň nyşany» diýlip atlandyrylýar we onda bu tohumy adamyň ygtybarly dosty, kömekçisi we goragçysy eden fiziki güýji, gaýduwsyzlygy we wepalylygy ýaly ajaýyp häsiýetleri we keşpleri açylýar.
Türkmenistanda alabaý milli baýlyk hasaplanýar we eýesiniň maşgalasyny, mallaryny we emlägini hüşgär goramak ukyby üçin ýokary baha berilýär. Bu, 3-6 müň ýyllyk taryhy bolan iň gadymy tohumlaryndan biri bolup, biziň günlerimize gadymy ata-babalarymyzyň bilşi ýaly gelip ýetýär.
Makalada tohumyň emele geliş sahypalaryna-da açyklyk berilýär. Sebäbi onuň emele gelen tebigy sebitleri: günbatarda Hazar deňzinden Aziýa böleginiň çägi, gündogarda Hytaý bilen häzirki serhede çenlidir.
Makalada bu tohumyň Türkmenistanyň medeniýeti we taryhy üçin ähmiýeti we gymmaty nygtalýar. Köp sanly arheologiki tapyndylar, alabaýyň heýkeltaraş şekilleri, şeýle hem gadymy türkmen halylarynyň nagyşlarynda keşbiniň ýaňlanmagy halkyň durmuşynda tutýan ornuna şaýatlyk edýär.
Diplomatic World – dünýä syýasaty, diplomatiýa, işewürlik, maliýe, sungat we medeniýeti birleşdirýän sanly we çap görnüşinde her çärýekde neşir edilýän halkara žurnal. Şeýlelikde ol, ykdysady, syýasy we diplomatik ugurlarda karar alýanlaryň arasynda aýratyn interfeýsdir.
Neşir ýokary derejeli okyjylara, şol sanda ilçiler, döwlet Baştutanlary, ÝB guramalarynyň wekilleri we öňdebaryjy köpmilletli kompaniýalaryň ýolbaşçylary, analitiki merkezleri we beýlekileriň arasynda ýaýbaň bolup, bu giň we dürli jemgyýeti iň soňky diplomatik, halkara we Ýewropa wakalary we ugurlary barada çuňňur we döwrebap düşünje bilen üpjün edýär.
ORIENT news
