Aşgabatda TÜRKSOÝ-a agza döwletleriň surat eserleriniň sergisi açyldy
Aşgabatdaky Türkmenistanyň Şekillendiriş sungaty muzeýinde TÜRKSOÝ-yň döredilmeginiň 30 ýyllygyna gabatlanyp, surat sergisi açyldy. Dürli foto eserlerini özünde jemlän serginiň maksady türki döwletleriň taryhy-medeni mirasyny halkara halkara giňişliginde wagyz etmekden ybaratdyr.
Serginiň açylyş dabarasynda çykyş eden Türkmenistanyň Medeniýet ministri Atageldi Şamyradow guramanyň çäklerinde agza döwletleriň hyzmatdaşlygynyň ösdürilýändigini, onuň taryhy-medeni ýadygärlikleri goramak we öwrenmek işinde oňyn täsiriniň bardygyny belledi.
Öz gezeginde, TÜRKSOÝ-yň Baş sekretary Sultanbaý Raýew bu serginiň guralmagynyň ýurdumyzyň we guramanyň özara gatnaşyklarynyň ösüşiniň nyşany bolandygyny belledi.
Çäräniň dowamynda taraplar ýadygärlik sowgatlaryny alyşdylar. Sergide görkezilen materiallar türki döwletleriniň taryhy gözelliklerini we medeni gazananlaryny görkezdi. Milli folklor, amaly-haşam sungatynyň eserleri, milli lybaslar Şekillendiriş sungaty muzeýinde ýaýbaňlandyrylan sergide öz beýanyny tapdy.
Serginiň çäklerinde, türkmenistanly ýaş suratkeşleriň sungat eserleri hem görkezildi.
ORIENT news
