Türkmenistan dümewe garşy epidemiologik gözegçilik boýunça milli gollanmany taýýarlar
Türkmenistanda dümewe we ýiti respirator ýokançlaryna epidemiologiki gözegçilik boýunça milli gollanmanyň taslamasyny ara alyp maslahatlaşdylar.
Duşuşyga gatnaşyjylar şeýle hem Türkmenistanda 2024-2025-nji ýyllarda pandemiki dümewe taýýarlygy üpjün etmek boýunça taslamanyň ýerine ýetirilişi bilen, dümewe, ýiti respirator ýokançlaryna, koronawirus ýokanjyna epidemiologik we laboratoiýa gözegçiligi babatynda gazanylan ösüş bilen tanyşdylar. Şunuň bilen baglylykda, taslamany ýerine ýetirmegiň çäklerinde geçirilmeli bolan bilelikdäki çäreleriň meýilnamasyny ylalaşdylar.
Ara alyp maslahatlaşmalara Türkmenistanyň saglygy goraýyş we derman senagaty Ministrliginiň dümewe we ÝRÝ-na epidemiologik gözegçilige jogäpkär hünärmenleri, Döwlet arassaçylyk we keselleriň öňüni alyş gullugynyň Jemgyýetçilik saglygy we iýmiti Merkeziniň wekilleri, Türkmenistanyň M.Garryýew adyndaky Döwlet lukmançylyk uniwersitetiniň wekilleri, şeýle hem BSGG-nyň Ýurt edarasynyň işgärleri gatnaşdylar.
ORIENT habarlar
