Türkmenistanda surda terjimäniň (alamat diline terjimäniň) tölegsiz hyzmatlary berilip başlandy
Türkmenistanyň bäş welaýatynda surda terjimäniň (alamat diline terjimäniň) tölegsiz hyzmatlary berilip başlandy.
ABŞ-nyň halkara ösüş Agentligi (USAID) tarapyndan taýýarlanylan ýedi sany surda terjimeçi (alamat diline terjimeçi) eşidiş bozulmasy bolan şahslara olaryň dürli döwlet edaralarynyň wekilleri bilen aragatnaşygyny ýeňilleşdirmek maksady bilen hyzmatlary edýärler. Bu ugurdan hünärmenler Türkmenistanyň körler we kerler Jemgyýetiniň Aşgabatdaky, Balkanabatdaky, Baýramalydaky, Daşoguzdaky, Marydaky we Türkmenabatdaky ýerli bölümlerinde hepdede bäş gün edarada we onuň çäklerinden daşarda dilden terjime edip işleýärler. Surda terjimeçiler tarapyndan şeýle hem alamat dilini öwrenmäge isleg bildirýänler üçin tölegsiz maslahatlary bermek üçin kabul ediş wagtlary kesgitlenendir.
2022-nji ýylda USAID-iň Türkmenistanda döwleti dolandyryşyň kämilleşdirilmegine ýardam etmek Maksatnamasy (GSP) surda terjmeçiler üçin hünäri ýokarlandyrmagyň bir aýlyk kursyny gurnady.
Surda terjimeçileriň anyk ýerleşýän ýerleri we telefon belgileri barada goşmaça maglumaty [Türkmenistanyň](http://tkkj.co.tm/) körler we kerler Jemgyýetiniň saýtyndan alyp bolýar.
ORIENT habarlar
